ரிஜ்க் எனக்கு எங்கே இருக்கிறது

அல்ஹம்துலில்லாஹ் ! வஸ்ஸலாத்து வஸ்ஸலாமு அலா ரசூலில்லாஹ் !

அளவற்ற அருளாளனே ! நிகரில்லா அன்பாளனே ! கருணைமிக்க என் ஆண்டவனே ! அல்லாஹ்வே ! எனக்கு ஏற்பட்டுள்ள நெருக்கடியில் நான் எதிர்பார்க்கும் ரிஜ்க் எனக்கு எங்கே இருக்கிறது எனத் தெரியவில்லை .

என்னுடைய உள்ளத்தில் தோன்றுகின்ற இடங்களிலெல்லாம் தேடிப் பார்க்கிறேன். அது கடலில் இருக்கிறதா ? கரையில் இருக்கிறதா ?

அது வானத்தில் இருக்கிறதா ? பூமியில் இருக்கிறதா ? யாரிடமிருக்கிறது ? எந்த திசையிலிருக்கிறது ?

எதுவும் எனக்குத் தெரியாது. ஆனால் உனக்குத் தெரியும் நீயே அதை நிகழ்த்துபவன். நேரத்தில் அளிப்பவன்.

என் ரப்பே ! இறைவா !

ஒன்று மட்டும் எனக்குத் தெரியும். ரிஜ்க்கைப் பற்றிய ஞானம் உனக்கு மட்டுமே தெரியும். அது உண்டாகும் காரண காரியங்கள் உன் கரங்களில் தான் இருக்கின்றன. நீயே வல்லமையாளன்.

நீ தான் உன்னுடைய கருணாயினால் அதை பங்கீடு செய்கிறாய்.

உன்னுடைய இரக்கமிகு குணத்தால் எங்களுக்கு அது கிடைக்கும் காரண காரியங்களை உருவாக்குகிறாய். 

என் ரப்பே ! இறைவனே !

உன்னுடைய ரிஜ்க்கை எனக்கு விசாலமாக அருள்வாயாக ! அது கிடைக்கின்ற வழியை இலேசாக்குவாயாக ! அதை அண்மையில் கிடைக்கச் செய்வாயாக !

எனக்கு விதிக்கப்படாத ரிஜ்கை நான் தேடாமல் என்னைக் காப்பாயாக !

என் இறைவா !

எங்களை மன்னிப்பாயாக ! எங்கள் மீது இரக்கம் காட்டுவாயாக ! எங்களுக்கு அருள் புரிவாயாக ! ஆமீன் ! ஆமீன் ! யாரப்பல் ஆலமீன் !