அமீரகத்தில் பல பகுதிகளிலிருந்து அய்மான் சங்கத்திற்கு கோரிக்கை

அளவற்ற அருளாளனும் நிகரற்ற அன்புடையோனுமாகிய எல்லாம் வல்ல அல்லாஹ்வின் திருப்பெயரால் துவங்குகிறேன் அஸ்ஸலாமு அலைக்கும்,

பதிவு நாள் : 23-03-2024.

அபுதாபி :

 கடந்த நான்கு நாட்களுக்கு முன்பாக

அமீரகத்தில் பல பகுதிகளிலிருந்து  அய்மான் சங்கத்திற்கு  கோரிக்கைகள் வைத்தார்கள். .

 என்னவென்றால் அபுதாபி முஸ்ஸபா பகுதியில் தமிழகத்தைச் சேர்ந்த ஒரு சகோதரர் உணவில்லாமல் தங்க இடமில்லாமல் தவித்துக் கொண்டிருக்கின்றார் அவரை தமிழகத்திற்கு அனுப்பி வைக்குமாறு கேட்டுக் கொண்டார்கள் 

 அதன் அடிப்படையில் அய்மான் சங்கத்தின் தலைவர் கீழக்கரை H. M. முகம்மது ஜமாலுதீன் அவர்கள் அய்மான் சங்கத்தின் நிர்வாகிகளுக்கு ஆலோசனை வழங்கி அந்த நபருக்கு  உடனடியாக  தேவையான உதவிகளை செய்து கொடுக்குமாறு கேட்டுக்  கொண்டார்கள் 

 நான்கு நாட்களாக தேடுதல்  பணியில் இருந்த அய்மான் சங்கத்தின்  நிர்வாகிகளுக்கு இன்று காலை ஒரு தொலைபேசியின் மூலம் கடையநல்லூர் அருகே உள்ள சுரண்டை என்கின்ற ஊரைச் சேர்ந்த  சகோதரர் வின்சென்ட் அவர்கள் தொடர்பு கொண்டு  நீங்கள் தேடிக் கொண்டிருக்க கூடிய நபர்  இங்கு இருக்கிறார் என்று சொன்னதும் அவரை நேரில் சென்று சந்தித்து ஆறுதல் கூறி விரைவில் இந்திய தூதரகத்தின் மூலமாக  தமிழகத்திற்கு அனுப்பி வைக்கலாம்  என்று சொன்னோம்.

 தற்காலிகமாக  சகோதரர் வின்சென்ட் அவர்களின்  பராமரிப்பில் அவரைத் தங்க வைத்துள்ளோம்.

அய்மான் சங்கத்தின் சார்பாக  நன்றிகளை  சகோதரர் வின்சென்ட். அவர்களுக்கு தெரிவித்துக் கொண்டோம் 

 விரைவில் இந்திய தூதரகத்தின் உதவியுடன் தமிழகம் திரும்ப அய்மான் சங்கத்தின் நிர்வாகிகள் அனைத்து உதவிகளும் செய்து கொண்டு இருக்கின்றார்கள் இறைவனை பிரார்த்திப்போம்.

அய்மான் சங்கம்

அபுதாபி

 மேலும் விவரங்களுக்கு அய்மான் MAK - 00971553038066.