தேர்தல் ஒரு பக்கம் நடக்கட்டும். புதிய கல்வி ஆண்டு துவங்க உள்ளது.

அளவற்ற அருளாளனும் நிகரற்ற அன்புடையோனுமாகிய எல்லாம் வல்ல அல்லாஹ்வின் திருப்பெயரால் துவங்குகிறேன் அஸ்ஸலாமு அலைக்கும்,

20.03.2024 தேர்தல் ஒரு பக்கம் நடக்கட்டும். புதிய கல்வி ஆண்டு துவங்க உள்ளது. 

நமது நிர்வாகிகள் அடுத்த கல்வி ஆண்டு துவங்குவதற்கு முன் உங்கள் அருகில் உள்ள அரசு பள்ளிக்குச் சென்று கலந்தாய்வு செய்யலாம். குறைகளை கேட்டறிந்து தேவைகள் குறித்து சம்பந்தப்பட்ட துறைக்கு மனுச் செய்யலாம் / நிறைவேற்றக்கோரலாம் அல்லது நமது தலைமையின் மூலம் உரிய நடவடிக்கைகள் மேற்கொள்ளலாம்.

கட்டாயக் கல்விச் சட்டத்தின் மூலம் தனியார் பள்ளியில் பயில, ஏழ்மைநிலையில் உள்ள மாணவ மாணவிகளை கண்டறிந்து கட்டாய கல்விச் சட்டத்தின் கீழ் பதிவு செய்ய ஏற்பாடுகள் செய்து கொடுக்கலாம். அது குறித்து விழிப்புணர்வு ஏற்படுத்தலாம்.

அரசுப் பள்ளியில் மாணவ மாணவிகள் அதிகம் சேர்ப்பதற்கு நமது நிர்வாகிகளே முழு முயற்சி மேற்கொள்ளலாமே?

பள்ளியில் வசதிகள் குறைவாக இருந்தால் உரிய அதிகாரிகளை தொடர்பு கொண்டு அதை மேம்படுத்துவதற்கும் ஏற்பாடுகள் செய்யலாமே?