எங்களுக்கு உயிர் தந்து தொழவும் ஸஹர் செய்யவும் வாய்ப்பளித்த அல்லாஹ்விற்கே எல்லாப்புகழும் !

அளவற்ற அருளாளனும் நிகரற்ற அன்புடையோனுமாகிய எல்லாம் வல்ல அல்லாஹ்வின் திருப்பெயரால் துவங்குகிறேன் அஸ்ஸலாமு அலைக்கும்,

மீண்டும் எங்களுக்கு உயிர் தந்து தொழவும் ஸஹர் செய்யவும் வாய்ப்பளித்த அல்லாஹ்விற்கே எல்லாப்புகழும் !

தன்னுடைய சொல்லாலும் செயலாலும் எங்களுக்கு வழிகாட்டிய ரஹ்மத்துல் ஆலமீன் அண்ணல் நபிமீது உன் ஸலவாத்தைப் பொழிவாயாக !

யா அல்லாஹ் !

எங்கள் இல்லங்களை மகிழ்ச்சி, குதூகலம் அன்பு, மனநிறைவு, மனநிம்மதி, அமைதி,  பாதுகாப்பு, மற்றும் உன் அருட்கொடைகளால்

நிரப்புவாயாக !

பொருளாதாரம் குடும்பம் மற்றும் பிள்ளைகளின் வாழ்க்கையில் 

பரக்கத் செய்வாயாக !

அருளாளனே ! எங்கள் இதயங்களை அன்பால் ஒன்றிணைப்பாயாக !

எங்களுக்கிடையே சமரசம் நிலவச்செய்வாயாக ! அமைதியின் பாதையில் எங்களை வழி நடத்துவாயாக !

ரஹ்மானே ! எங்கள் தவறுகளை மறைத்து, எங்கள் பாவங்களை மன்னிப்பாயாக !

எங்கள் குடும்பத்தில் இறந்தவர்கள் மீது கருணை காட்டுவாயாக ! அவர்களின் பிழை பாவங்களை மன்னித்தருள்வாயாக !

எங்களில் நோயுற்றவர்களைக் குணப்படுத்துவாயாக !

நேர்வழியில் செல்லாமல் இருப்பவரை இன்னும் வழிதவறியவர்களை

நேர்வழியின் பால்

இழுத்து வருவாயாக !

தயாளனே ! நாங்கள் எதிர்பார்க்காத இடத்திலிருந்து எங்களுக்கு நாங்கள் எதிர்பார்க்கும் ரிஜ்கை வழங்குவாயாக !

ரப்புல் ஆலமீனே ! நாங்கள் உன்னை சந்திக்கும் வரை, நீ எங்கள் மீது திருப்தி அடைந்தவனாக எங்களை ஆக்குவாயாக !ஆமீன் ! ஆமீன் ! யா ரப்பல் ஆலமீன் !