தியாக திருநாள்
**
கஃபா காட்டும் விந்தை தினம்
கனவில் வந்துப் போனது தினமும்
வலம் வர ஏங்கி கால்கள்
தவிக்கிறது
கண்ணில் கண்ணீர் தாரை தாரையானது
இதயம் படபடுத்து நின்றும் போனது
நான் கண்ட கனவு எனது
வாழ்நாளில் நிறைவேறுமா இறைவன் அறிவானோ
உலக மக்கள் ஒன்றாய் கூடும்
மக்கா மாநகரின் பெருமையை சென்றவர்
மூலம் கேட்டு தெரிந்துக் கொண்டேன்
வற்றாத ஜம்ஜம் நீர் நீரூற்றாய்
சபா மர்வாவின் புகழ் ஆரம்
இறைமை பொழிகிறது அங்கு நீந்தும்
விழிகள் ஏங்கி பார்க்க ஏங்கியது
நபிகள் வாழும் மதீனாவில் சலவாத்
ஓதுவது எனது காதில் ஒலிக்கிறது
ஹஜ்ஜில் கூட்டம் கூட உள்ளம்
துடியாய் துடிக்கிறது அதைக் காண
ஆன்மா விழிக்கிறது வற்றாத இறை அருளை வேண்டி
நானும் துடிக்கிறேன் நிறைவேறுமா
எனது ஆசை அடுத்த தியாக திருநாளில் ஹஜ்ஜை நோக்கி ....
இசை முரசு வானொலியில் நாளை கேட்டு மகிழுங்கள்
ம.செ.அ.பாமிலா பேகம்,நாகர்கோவில்
No comments:
Post a Comment