Sunday 12 July 2015

தமுமுக துபை மண்டலத்தின் சார்பாக 12-06-2015 ரமாலன் சிறப்பு சொற்பொழிவு நடைப்பெற்றது,

அளவற்ற அருளாளனும் நிகரற்ற அன்புடையோனுமாகிய எல்லாம் வல்ல அல்லாஹ்வின் திருப்பெயரால் துவங்குகிறேன் அஸ்ஸலாமு அலைக்கும்,

தமுமுக துபை மண்டலத்தின் சார்பாக 12-06-2015 ரமாலன் சிறப்பு சொற்பொழிவு நடைப்பெற்றது,

தலைவர் மௌலவி ரிபாய் ரஷாதி அவர்களின் உரை


இறைவனின் கிருபையால் தமுமுக துபை மண்டலத்தின் சார்பாக 12-06-2015 வெள்ளியன்று மாலை 5:00 மணியளவில் தேரா லேன்ட் மார்க் ஹோட்டலில் ரமாலன் சிறப்பு சொற்பொழிவு நடைப்பெற்றது,




 தமுமுக துபை மண்டல தலைவர் இப்ராஹீம் அவர்களின் தலைமையில் நடைபெற்ற நிகழ்ச்சியில் மண்டல செயலாளர் அதிரை அப்துல் ஹமீத் அவர்கள் திருக்குர்ஆன் வசனங்களை ஓதி நிகழ்ச்சியை துவக்கிவைத்தார்,




தலைமை கழக பேச்சாளர் சகோதரர் கோவை ஜைனுல் ஆபிதீன் அவர்கள் ரமலானை வரவேற்போம் என்ற தலைப்பில் உரையாற்றி ரமலான் மாதத்தின் சிறப்புகளையும் ரமாலனில் நாம் செயல்படுத்த வேண்டிய செயல்பாடுகளையும் விரிவாக எடுத்துரைத்தார்கள்,

மஹ்ரிப் தொழுகைக்கு இடைவெளி விடப்பட்டு சமுதாய  பேரியக்கத்தின் தலைவர் மௌலவி ரிபாய் ரஷாதி அவர்கள் கற்போம் கற்பிப்போம் என்ற தலைப்பில் உரையாற்றினார்கள், ஆரம்ப உரையில் தமுமுகவின் பணிகளை சகோதரர்களுக்கு மத்தியில் எடுத்துரைத்து உரையை ஆரம்பித்த தலைவர் அவர்கள், இறைமறை குர்ஆனை நாம் ஓதுவதின் நன்மைகளையும் குரானிய சமுகமாக வாழவேண்டியதின் அவசியத்தையும் குறிப்பிட்டார்கள், ஒவ்வொரு முஸ்லிம்களும் குர்ஆனுக்கு உயிரோட்டம் கொடுத்து இம்மை, மறுமை வாழ்க்கையில் வெற்றிப்பெற வேண்டுமெனவும் வலியுறுத்தினார் கள்,

இந்நிகழ்ச்சியில் அமீரக தமுமுக தலைவர் சகோதரர் அதிரை அப்துல் ஹதி,செயலாளர் சகோதரர் யாசீன் நூருல்லாஹ்,,துணைத் தலைவர் சகோதரர் ஹுசைன் பாஷா ஆகியோரும் உரையாற்றினார்கள்,அமீரகத்தில் உள்ள அனைத்து மண்டல நிர்வாகிகளும் கலந்துக் கொண்டு சிறப்பித்தனர்,





சிறப்பாக நடைபெற்ற நிகழ்ச்சியின் இறுதியாக மண்டல ஒருங்கிணப்பாளர் சகோதரர் மதுக்கூர் ஹாஜா அவர்களின் நன்றியுரையோடு நிகழ்ச்சி இனிதே நிறைவடைந்தது �

23-06-2015 துபாயில் முத்துப்பேட்டை சகோதரர்களால் இஃப்தார் நிகழ்ச்சி

அளவற்ற அருளாளனும் நிகரற்ற அன்புடையோனுமாகிய எல்லாம் வல்ல அல்லாஹ்வின் திருப்பெயரால் துவங்குகிறேன் அஸ்ஸலாமு அலைக்கும்,

23-06-2015 துபாயில் முத்துப்பேட்டை சகோதரர்களால் இஃப்தார் நிகழ்ச்சியில் தமுமுக மாநில தலைவர் J.S.ரிஃபாயி மற்றும் மமக மாநில பொது செயலாளர் தமிமுன் அண்சாரி



ன்று 23-06-2015 துபாயில் முத்துப்பேட்டை சகோதரர்களால் ஏற்பாடு செய்யப்பட்ட இஃப்தார் நிகழ்ச்சியில் தமுமுக மாநில தலைவர் J.S.ரிஃபாயி ரஷாதி , மமக மாநில பொது செயலாளர் தமிமுன் அண்சாரி,TVS கார்கோ நிறுவனர்  S.M.ஹைதர் அலி, TVS கார்கோ மேனேஜர்  அலாவுதீன் மற்றும் துபாய்,மண்டல தலைவர்  AS இப்ராஹிம், துணை தலைவர் குணகுடி முஹைதீன் துணை செயலாளர் கீழக்கரை ஜெய்னுல் அப்தீன்  பாரூக் மற்றும் ஷார்ஜா மண்டல நிர்வாகிகளும் கலந்துக் கொண்டு சிறப்பித்தனர்.

Monday 6 July 2015

துபாய் – தோராவில் AL MANAR தமிழ் விங்ஸ் சார்பாக ரமலான் நிகழ்ச்சி

அளவற்ற அருளாளனும் நிகரற்ற அன்புடையோனுமாகிய எல்லாம் வல்ல அல்லாஹ்வின் திருப்பெயரால் துவங்குகிறேன் அஸ்ஸலாமு அலைக்கும்,

துபாய் – தோராவில் AL MANAR தமிழ் விங்ஸ் சார்பாக ரமலான் நிகழ்ச்சி நடைபெற்றது. இந்த நிகழ்ச்சி துபாய் வாழ் தமிழ் மக்களுக்காக துபாய் அரசாங்கத்தால் வருடந்தோரும் நடத்தப்படுகிறது.
AL MANAR தமிழ் விங்ஸ் சார்பாக துபாயில் வாழம் தமிழக மக்களுக்காக இஸ்லாமிய அழைப்பு பணி சேவைகளில் AL MANAR தமிழ் விங்ஸ் தன்னை ஈடுபடுத்திகொள்கிறது.

AL MANAR தமிழ் விங்ஸ் சார்பாக ரமலான் நிகழ்ச்சி வருடந்தோரும் நடத்தபடுவதையொட்டி தமிழகத்தில் தலைசிறந்த உலமாக்களை துபாய் அரசாங்கம் தேர்தெடுத்து விழாவில் பங்கேற்க வைக்கிறது.
இந்த வருடம் தமிழக உலமாக்களில் தேர்த்டுக்கபட்டவர் மொளவி கமலாத்தீன் மதனி அவர்கள் ஆவார். மொளவி கமலாத்தீன் மதனி அவர்கள் 02.07.2015 அன்று அல் பரஹா மருத்துவமனையில்வுள்ள அல் வுவசை அரங்கத்தில் சிறப்பு விருந்தினராக கலந்து கொண்டு முஸ்லிம்களின் ஒற்றுமையும் ரமலானின் சிறப்புகளும் என்ற தலைப்பில் சிறப்புரை வழங்கினார்கள்



மேலும் தமிழக துபாய் வாழ் மக்களும் திரளாக கலந்து கொண்டார்கள்.


Sunday 5 July 2015

பரமக்குடி அன்னை ஆயிஷா டிரஸ்ட் - நற்பணிகள்

அளவற்ற அருளாளனும் நிகரற்ற அன்புடையோனுமாகிய எல்லாம் வல்ல அல்லாஹ்வின் திருப்பெயரால் துவங்குகிறேன் அஸ்ஸலாமு அலைக்கும்,

அன்னை ஆயிஷா டிரஸ்ட் - பரமக்குடி அல்லாஹ்வின் மாபெரும்
கிருபையால் நற்பணிகள் பல செய்துகொண்டு இருக்கிறது.


1. அல் குர் ஆன் இலவசமாக விநியோகிக்கபடுகிறது

2. இஸ்லாமிய புத்தகங்கள் இலவசமாக விநியோகிக்கபடுகிறது

3. ரமலான் 27 அன்று பித்ரா விநியோகிக்கபடுகிறது 200 க்கும் மேற்பட்ட
குடும்பங்கள் பயனடைகிறது.

4. கல்வி உதவி அளிக்கப்படுகிறது

5. ஷிர்க்க்கு எதிரான பிரச்சாரம் மற்றும் விழிப்புணர்வு

6. அல் குர் ஆன் மற்றும் நபி வழிப்படி பிரச்சாரம்

7. பெண்களுக்கான சிறப்பு இஸ்லாமிய பிரச்சாரம்

8. பெண்களுக்கான சிறப்பு இஸ்லாமிய நிகழ்ச்சி 'அகமும் புறமும்'

9. உணர்வாய் உன்னை! என்ற ஆளுமைத் திறன் மேம்பாட்டு பயிற்சி முகாம்

10. TIME MANAGEMENT

11. குழந்தை வளர்ப்பு கலை பயிற்சி முகாம்

12. பேச்சுப்பயிற்சி வகுப்பு  ( 6 மாதம்)

மேலும் பரமக்குடி,   பார்த்திபனூர்  & எமனேஸ்வரம் நகரில் அன்னை ஆயிஷா அறக்கட்டளை மூலமாக முஸ்லிம்களுக்கு  பித்ரா கடந்த 10 வருடங்களாக விநியோகம் செய்யப்பட்டது என்பது குறிப்பிடதக்கது.

எனவே தங்களுடைய பித்ரா மற்றும் ஸக்காத்தை கொடுத்து ஏழைகளுக்கு உதவுமாறு கேட்டு கொள்கிறோம்.

A.S.Ibrahim

971 50-5814268

Saturday 4 July 2015

நிய்யத்.

அளவற்ற அருளாளனும் நிகரற்ற அன்புடையோனுமாகிய எல்லாம் வல்ல அல்லாஹ்வின் திருப்பெயரால் துவங்குகிறேன் அஸ்ஸலாமு அலைக்கும்,

நிய்யத்.

எல்லா வணக்கங்களும் நிய்யத்தைப் பொறுத்தே! என்று நபிகள் நாயகம் (ஸல்) அவர்கள் கூறியுள்ளார்கள்.

நூல்: புகாரி 1

தொழுகையானாலும், நோன்பானாலும், இன்ன பிற வணக்கங்களானாலும் நிய்யத் மிகவும் அவசியமாகும்.

நிய்யத் என்றால் என்ன? இதைப் பற்றியும் பெரும்பாலான மக்கள் அறியாதவர்களாகவே உள்ளனர்.

குறிப்பிட்ட சில வாசகங்களை வாயால் மொழிவது தான் நிய்யத் என இவர்கள் நினைக்கின்றனர். பல காரணங்களால் இவர்களது நினைப்பு தவறானதாகும்.

நிய்யத் என்ற வார்த்தைக்கு மனதால் எண்ணுதல், தீர்மானம் செய்தல் என்பது பொருளாகும். வாயால் மொழிவது என்ற அர்த்தம் இந்த வார்த்தைக்கு இல்லை.

ஒருவருக்குக் காலையில் எழுந்தது முதல், இரவு வரை ஒரு சொட்டு தண்ணீர் கூட கிடைக்கவில்லை. நோன்பைக் கடைப்பிடிக்க வேண்டிய நேரம் முழுவதும் எதையும் உண்ணாமல் பருகாமல் குடும்ப வாழக்கையில் ஈடுபடாமல் இருந்துள்ளார். ஆனால் நோன்பு வைப்பதாக இவர் எண்ணவில்லை. ஏதாவது கிடைத்தால் சாப்பிடிருப்பார். நோன்பாளியைப் போலவே இவர் எதையும் உட்கொள்ளா விட்டாலும் நோன்பு நோற்கும் தீர்மானம் எடுக்காததால் இவர் நோன்பு வைக்கவில்லை. இவ்வாறு மனதால் முடிவு செய்வது தான் நிய்யத் எனப்படுகிறது.

ஒருவர் ரமளான் மாதத்தில் வழக்கத்திற்கு மாறாக நான்கு மணிக்கு எழுகிறார். வழக்கத்திற்கு மாறாக இந்த நேரத்தில் சாப்பிடுகிறார். நோன்பு நோற்கும் எண்ணம் அவரது உள்ளத்தில் இருப்பதன் காரணமாகவே இவர் இப்படி நடந்து கொள்கிறார். எனவே இவர் நிய்யத் செய்து விட்டார். இன்னும் சொல்வதாக இருந்தால் இரவில் படுக்கும் போதே ஸஹருக்கு எழ வேண்டும் என்ற எண்ணத்தில் தான் படுக்கிறார்.

இது தான் நிய்யத்! இதற்கு மேல் வேறு ஒன்றும் தேவையில்லை. நோன்பு நோற்பதாக மனதால் உறுதி செய்ய வேண்டும் என்பதே சரியானதாகும்.

ஆனால் ஒரு குறிப்பிட்ட வாசகத்தைக் கூறுவதற்கு நிய்யத் என்ற நம்பிக்கை நடைமுறையில் உள்ளது.

நவைத்து ஸவ்ம கதின் அன்அதாயி பர்ளி ரமளானி ஹாதிஹிஸ் ஸனதி லில்லாஹி தஆலா என்பது தான் அந்தக் குறிப்பிட்ட வாசகம்.

இந்த வருடத்தின் ரமளான் மாதத்தின் பர்லான நோன்பை அதாவாக நாளைப் பிடிக்க நிய்யத் செய்கிறேன் என்று தமிழாக்கம் வேறு செய்து அதையும் கூற வேண்டும் என்று நினைக்கின்றார்கள்.

இந்த வாசகத்தைக் கூற வேண்டுமென்று அல்லாஹ் கூறினானா? அல்லாஹ்வின் தூதர் (ஸல்) அவர்கள் இதைக் கூறினார்களா? அதுவுமில்லை. அவர்களிடம் பாடம் கற்ற நான்கு கலீபாக்களோ, ஏனைய நபித் தோழர்களோ இவ்வாசகத்தைக் கூறினார்களா? என்றால் அதுவும் இல்லை.

நான்கு இமாம்களாவது இவ்வாறு கூறியுள்ளார்களா? என்றால் அது கூட இல்லை. உலகில் எல்லா நாடுகளிலும் முஸ்லிம்கள் வாழ்கின்றனர். எங்கேயும் இந்த வழக்கம் இல்லை. இந்தியாவிலும், இந்தியர்கள் போய்க் கெடுத்த இலங்கை போன்ற நாடுகளிலும் தவிர வேறு எங்கும் இந்த வழக்கம் இல்லை.

நிய்யத் என்பதன் பொருள் மனதால் நினைத்தல் என்பதாலும் நபிகள் நாயகம் (ஸல்) அவர்கள் இதைக் கற்றுத் தராததாலும் இதை விடடொழிக்க வேண்டும்.

யாரேனும் நமது கட்டளை இல்லாமல் ஒரு அமலைச் செய்வாரேயானால் அது நிராகரிக்கப்படும் என நபிகள் நாயகம் (ஸல்) அவர்கள் கூறியுள்ளார்கள்.

அறிவிப்பவர்: ஆயிஷா (ரலி)

நூல்: முஸ்லிம் 3243

மேலும் நிய்யத் என்ற பெயரில் சொல்லித் தரப்படும் வாசகத்தின் பொருளைச் சிந்தித்தால் கூட அது இஸ்லாமிய நடைமுறைக்கு எதிரானதாகவே உள்ளது.

ரமாளன் மாதத்தின் பர்லான நோன்பை அதாவாக நாளை பிடிக்க நிய்யத் செய்கிறேன் என்பது இதன் பொருள்.

இஸ்லாமிய அடிப்படையில் ஒரு நாள் என்பது மஃக்ரிபிலிருந்து ஆரம்பமாகிறது. இஸ்லாம் பற்றிய அறிவு பெரிய அளவில் இல்லாதவர்கள் கூட நாளை வெள்ளிக்கிழமை என்றால் வியாழன் பின் நேரத்தை வெள்ளி இரவு என்றே கூறும் வழக்கமுடையவர்களாக உள்ளனர்.

ஒருவர் ஸஹர் நேரத்தில் நாளை பிடிப்பதாக நிய்யத் செய்கிறார். ஆனால் உண்மையில் இன்று தான் நோன்பு நோற்கிறாரே தவிர நாளை அல்ல! ஏனெனில் ஸஹரைத் தொடர்ந்து வரக் கூடிய சுபுஹ் இன்று தானே தவிர நாளை அல்ல!

இதைச் சிந்தித்தால் கூட இது மார்க்கத்தில் உள்ளது அல்ல என்பதைப் புரிந்து கொள்ளலாம்.

எனவே இது போன்ற நவீன கண்டுபிடிப்புகளை விட்டுவிட்டு அல்லாஹ்வும், அவனது தூதரும் காட்டித் தந்த முறைப்படி மனதால் நோன்பு நோற்பதாக உறுதி எடுத்துக் கொள்ள வேண்டும். இதுவே நிய்யத் எனப்படும்.

நிய்யத் செய்யும் நேரம்

நோன்பு நோற்கும் நிய்யத்தை, அதாவது முடிவை எப்போது எடுக்க வேண்டும்?

கடமையான நோன்புக்கும், கடமையில்லாத நோன்புக்கும் இதில் வித்தியாசம் உள்ளது.

ரமளான் அல்லாத நோன்பாக இருந்தால் நோன்பு நோற்கும் முடிவைக் காலையில் சுபுஹ் தொழுத பின்பு கூட எடுத்துக் கொள்ளலாம்.

காலையில் சுபுஹ் தொழுது விட்டு வீட்டுக்கு வருகிறோம். வீட்டில் உண்பதற்கு எதுவும் இல்லை. பட்டிணியாகத் தான் அன்றைய பொழுது கழியும் போல் தெரிகிறது. நோன்பு நோற்பதாக முடிவு செய்து கொள்ளலாம். ஆனால் சுபுஹ் நேரம் வந்தது முதல் எதுவும் உண்ணாமல் இருந்திருக்க வேண்டும்.

ஒரு நாள் நபிகள் நாயகம் (ஸல்) அவர்கள் என்னிடம் வந்தார்கள். (உண்பதற்கு) ஏதும் உள்ளதா? என்று கேட்டார்கள். நாங்கள் இல்லை என்று கூறினோம். அப்போது அவர்கள், நான் நோன்பாளியாக இருந்து கொள்கிறேன் என்று கூறினார்கள். மற்றொரு நாள் எங்களிடம் வந்தார்கள். அப்போது நாங்கள், ஹைஸ் எனும் (நெய், மாவு, பேரீச்சம்பழம் ஆகியவற்றால் தயாரிக்கப்படும் ஒரு வகை) உணவு அன்பளிப்பாக வந்துள்ளது என்று கூறினோம். அதற்கவர்கள், நான் நோன்பு நோற்றுள்ளேன். இருந்தாலும் கொண்டு வா என்று கூறி விட்டுச் சாப்பிடலானார்கள். கடமையல்லாத நோன்பு நோற்பவர் தர்மம் செய்பவர் போலாவார். விரும்பினால் செய்யாமலும் இருக்கலாம் என்று கூறினார்கள்.

அறிவிப்பவர்: ஆயிஷா (ரலி)

நூல்: முஸ்லிம் 1951

கடமையில்லாத நோன்பைப் பொறுத்த வரை காலையில் கூட அது குறித்து முடிவு செய்யலாம் என்பதையும், விருப்பமான உணவு தயாராக இருந்தால் கடமையில்லாத நோன்பை முறிக்கலாம் என்பதையும் இந்த ஹதீஸிலிருந்து அறிந்து கொள்ளலாம்.

ஆனால் கடமையான நோன்பு நோற்கும் முடிவைக் காலையில் எடுக்கக் கூடாது. ஏனெனில் அது நமது விருப்பத்தின் பாற்பட்டது அல்ல. சுபுஹ் முதல் மஃக்ரிப் வரை நோன்பு நோற்குமாறு அல்லாஹ் கட்டளையிட்டுள்ளான். சுபுஹ் முதலே நோன்பாளியாக நாம் இருக்க வேண்டும் என்றால் சுபுஹுக்கு முன்பே நோன்பு நோற்கும் முடிவை நாம் எடுத்து விட வேண்டும்

பசியை அடக்கிக் கொண்டு தொழுதல்

தமிழக முஸ்லிம்களிடம் உள்ள மற்றொரு அறியாமையையும் சுட்டிக் காட்டுவது அவசியமாகும்.

நோன்பு துறப்பதற்காகத் தண்ணீர் குடித்தவுடன் மஃக்ரிப் தொழுகைக்கு இகாமத் சொல்லப்பட்டு விடுவதுண்டு. இதனால் தண்ணீரைக் குடித்தவுடன் மஃக்ரிப் தொழுகைக்குச் சென்று விடுவார்கள். ஆனால் உடலும், மனமும் உணவில் பால் நாட்டம் சொண்டிருக்கும். இவ்வாறு செய்வது பேணுதல் என்ற எண்ணம் பலரிடம் உள்ளது. உண்மையில் இது பேணுதல் அல்ல! மாறாக மார்க்கத்தில் கண்டிக்கப்பட்ட ஒரு செயலாகும்.

மல ஜலத்தை அடக்கிய நிலையிலும், உணவு முன்னே இருக்கும் போதும் எந்தத் தொழுகையும் இல்லை என்று நபிகள் நாயகம் (ஸல்) அவர்கள் கூறியுள்ளார்கள்.

அறிவிப்பவர்: ஆயிஷா (ரலி)

நூல்: முஸ்லிம் 869

உங்களில் ஒருவர் உணவில் இருக்கும் போது தொழுகைக்கு இகாமத் சொல்லப்பட்டால் உணவுத் தேவையை முடிக்கும் வரை தொழுகைக்குச் செல்ல வேண்டாம் என்று நபிகள் நாயகம் (ஸல்) அவர்கள் கூறியுள்ளார்கள்.

அறிவிப்பவர்: இப்னு உமர் (ரலி)

நூல்: புகாரி 5465, 671

இந்த நபிமொழிகளிலிருந்து ஜமாஅத் தொழுகையை விட, பசியைப் போக்குவது முதன்மையானது என்பதை அறிந்து கொள்ளலாம். சாதாரண நாட்களிலேயே இந்த நிலை என்றால் நோன்பின் போது மஃக்ரிப் நேரத்தில் அதிகமான பசியும், உணவின் பால் அதிக நாட்டமும் இருக்கும். இந்த நேரத்தில் மனதை உணவில் வைத்து விட்டு, உடலை மட்டும் தொழுகையில் நிறுத்துவது அல்லாஹ்வுக்கு விருப்பமானது அல்ல என்பதால் தான் நபிகள் நாயகம் (ஸல்) அவர்கள் இவ்வாறு நமக்கு வழி காட்டியுள்ளார்கள்.

இன்னொன்றையும் நாம் மறந்து விடக் கூடாது. ஒவ்வொரு தொழுகைக்கும் ஒரு ஆரம்ப நேரமும், ஒரு முடிவு நேரமும் உள்ளது. முடிவு நேரத்துக்குள் தொழுகையை நிறைவேற்றி விட வேண்டும். பசியின் காரணமாக ஜமாஅத்தைத் தான் விடலாமே தவிர தொழுகையை விட்டு விடக் கூடாது. மஃக்ரிப் தொழுகையைப் பொறுத்த வரை சூரியன் மறைந்தது முதல் சுமார் 60 நிமிடம் வரை தொழுகை நேரம் நீடிக்கும். அதற்குள் தொழுகையை நிறைவேற்றி விட வேண்டும்.

ஏனெனில் தொழுகை முஃமின்கள் மீது நேரம் குறிக்கப்பட்ட கடமையாகவுள்ளது என்று (4:103 வசனத்தில்) அல்லாஹ் கூறுகிறான்.

நோன்பு துறக்க ஏற்ற உணவு நம்மிடம் எந்த உணவு உள்ளதோ அதன் மூலம் நோன்பு துறக்கலாம் என்றாலும் நபிகள் நாயகம் (ஸல்) அவர்கள் நோன்பு துறக்கும் போது முதலில் பேரீச்சம் பழங்களை உட்கொள்ளுமாறு ஆர்வமூட்டி உள்ளார்கள். யாருக்கு பேரீச்சம் பழம் கிடைக்கிறதோ அவர் அதன் மூலம் நோன்பு துறக்கட்டும்! கிடைக்காதவர்கள் தண்ணீர் மூலம் நோன்பு துறக்கட்டும்; ஏனெனில் அது தூய்மையானதாகும் என்று நபிகள் நாயகம் (ஸல்) அவர்கள் கூறினார்கள்.

அறிவிப்பவர்: அனஸ் பின் மாலிக் (ரலி)

நூல்: திர்மிதீ 594


பேரீச்சம் பழத்தையோ, தண்ணீரையோ முதலில் உட்கொண்டு விட்டு அதன் பிறகு மற்ற உணவுகளை உட்கொள்வதால் நபிகள் நாயகத்தின் சுன்னத்தைப் பேணிய நன்மையை அடைந்து கொள்ளலாம்.


பி.ஜைனுல் ஆபிதீன்