துபாயில் இலவச வாகன பரிசோதனை முகாம்

அளவற்ற அருளாளனும் நிகரற்ற அன்புடையோனுமாகிய எல்லாம் வல்ல அல்லாஹ்வின் திருப்பெயரால் துவங்குகிறேன் அஸ்ஸலாமு அலைக்கும்,

துபாய் : துபாயில் இலவச வாகன பரிசோதனை முகாம் 25.05.2014 முதல் 05.06.2014  வரை நடைபெற இருக்கிறது என அப்கிரேட் குரூப்பின் மேலாணமை இயக்குநர் எம்.எஸ். ஹமீது தெரிவித்துள்ளார்.

துபாயில் கோடைக்காலம் துவங்கி விட்டதையொட்டி வாகனம் மற்றும் வாகனம் ஓட்டுநர்களின் பாதுகாப்பினைக் கருத்தில் கொண்டு இந்த பரிசோதனை முகாம் நடத்தப்படுகிறது.

இப்பரிசோதனை முகாமில் டயர், ஏசி, பிரேக், பேட்டரி உள்ளிட்டவைகள் முக்கியமாக பரிசோதிக்கப்பட்டு தகுதி வாய்ந்த டெக்னீசியன்கள் உரிய ஆலோசனை வழங்குவர் என தெரிவிக்கப்பட்டுள்ளது.

வாகன பரிசோதனை முகாமில் பங்கேற்க விரும்புவர்கள் 050 269 53 53 எனும் அலைபேசி எண்ணில் முன் பதிவு செய்து தங்களது வருகையினை தெரியப்படுத்த கேட்டுக் கொள்ளப்படுகிறார்கள்.

அமீரகத்தில் கோடைக்காலத்தில் நடைபெறும் வாகன விபத்துகள் அதிக அளவில் டயர்களின் முறையான பராமரிப்பின்மை காரணமாக நடைபெறுவதால் பிரத்யேக இம்முகாமிற்கு அப்கிரேட் குழுமம் ஏற்பாடு செய்துள்ளது.

டயர் வாங்கும்போது கவனிக்கப்பட வேண்டிய விஷயங்கள்..!

வாகனங்களின் பாதுகாப்பில் மிக முக்கிய பங்கு வகிப்பது டயர்கள் என்று கூறினால்மிகையாது. பாதுகாப்பு மட்டுமின்றி மைலேஜிலும் இவற்றின் பங்கு மகத்தானது. எனவே,வாகனங்களுக்கு பரிந்துரைக்கப்பட்ட அளவுடைய டயரை பொருத்துவதே சாலச் சிறந்தது.ஒவ்வொரு டயரிலும் இதற்கான விபரங்கள் குறியீடு மூலம் கொடுக்கப்பட்டிருக்கும். எனவே,டயர் வாங்கும்போது அந்த குறியீடுகளை பார்த்து தெரிந்து கொண்டு வாங்கினால், உங்கள்வாகனத்துக்கு சிறந்த டயரை எளிதாக தேர்வு செய்யலாம்.

டயர்களின் பக்கவாட்டில் கொடுக்கப்பட்டிருக்கும் குறியீடுகளும் அதன் விபரங்களையும்காணலாம். உதாரணமாக, (35PSI)MAX PRESS என்று ஆங்கிலத்தில் கொடுக்கப்பட்டிருக்கும்குறியீட்டு எழுத்துக்கள் அந்த டயரின் அதிகபட்ச காற்றின் அழுத்த அளவை குறிக்கும். அதற்குமேல் காற்றின் அழுத்தம் இருக்கக் கூடாது. அடுத்ததாக, 215/65R14 89H M+S என்றுகொடுக்கப்பட்டிருந்தால், அதில், 215 என்பது அந்த டயரின் அகல அளவு மில்லிமீட்டரில்குறிக்கப்படுகிறது.

அடுத்து 65 என்று குறிக்கப்பட்டிருக்கும் எண்கள் அந்த டயரின் பக்கவாட்டு உயரத்தை குறிக்கும். R என்ற ஆங்கில எழுத்து ரேடியல் டயர் என்பதை குறிக்கும். இதுதவிர, சாதாரண டயர்கள் Aமற்றும் B ஆகிய ஆங்கில எழுத்துக்களில் குறிக்கப்பட்டிருக்கும். 14 என்ற எண்கள் டயரின் உள்விட்டம் அல்லது ரிம் அளவை குறிக்கிறது. அடுத்து 89 என்று குறிக்கப்பட்டிருந்தால், அந்த டயர்அதிகபட்சம் 580 கிலோ எடையை சுமக்கும் திறன் கொண்டது. அடுத்து இந்த வரிசையில்கடைசியில் குறிக்கப்பட்டிருக்கும் ஆங்கில எழுத்து அந்த டயர் அதிகபட்சமாக செல்லும்வேகத்தை குறிக்கும்.

உதாரணமாக, H என்ற ஆங்கில எழுத்து குறிக்கப்பட்டிருந்தால் அந்த டயர் அதிகபட்சம் மணிக்கு210கிமீ வேகத்தில் செல்வதற்கு லாயக்கானது என்று அர்த்தம்.(டயர் வேக அளவின் குறியீட்டுஎழுத்துக்கள் விபரம் கீழே கொடுக்கப்பட்டிருக்கிறது. மேலும், M+S என்று குறிக்கப்பட்டிருந்தால்,சேறு மற்றும் பனி படர்ந்த சாலைகளில் செல்ல ஏதுவானது என்றும், அனைத்து காலநிலைகளுக்கும் ஏற்றது என்று பொருள் கொள்ளலாம். இதேபோன்று, ஓல்டு ஸ்டாக் டயரைகண்டுபிடிப்பதற்கும் வழி இருக்கிறது.

டயரில் ஆங்கிலத்தில் DOT GHYT 1212 என்று குறிக்கப்பட்டிருந்தால் அதில், கடைசியில் வரும்முதல் 12 என்ற எண்கள் 12வது வாரத்தையும், இரண்டாவது 12 எண்கள் 2012ம் ஆண்டையும்குறிக்கும். அதாவது, மார்ச் மாதம் 2012ம் ஆண்டு தயாரிக்கப்பட்ட டயர் என்று அர்த்தம். மேலும்,இதில் GHYT என்ற எழுத்தில் முதல் இரண்டு ஆங்கில எழுத்துக்கள் தயாரிப்பு நிறுவனத்தின்குறியீடு, அடுத்த இரு எழுத்துக்கள் அந்த டயரின் தயாரிப்பு குறியீடு. எதிர்காலத்தில் டயரில்ஏதாவது பிரச்னை ஏற்பட்டால், குறிப்பிட்ட இந்த எழுத்துக்களை அடிப்படையாக கொண்டுதிரும்ப பெறப்படும்.

டயரின் ஆங்கில எழுத்து குறியீடும் அதன் அதிகபட்ச வேக திறன் விபரம்:

P-150 Kmph

Q-160 Kmph

R-170 Kmph

S-180 Kmph

T - 190 Kmph

H - 210 Kmph

V - 240 Kmph

W - 270 Kmph

Y - 300 Kmph

ZR - over 240 Kmph

( பின் குறிப்பு)

டயரில் காற்று இருகின்றதா என்று பார்க்கவும்,,,,

Subject: டயர்கள் பற்றிய தவறான எண்ணங்களும், அதன் உண்மைகளும்...!!

வாகனங்களின் மைலேஜ், நிலைத்தன்மை போன்றவற்றை அளிப்பதில் டயர்கள் மிக முக்கிய பங்கு வகிக்கின்றன. இதனால், டயர்களை பராமரிப்பதில் வாகன உரிமையாளர்கள் அதிக அக்கறை செலுத்த வேண்டியது அவசியம்.

இந்த நிலையில், டயர்களை பராமரிப்பதிலும், பாதுகாப்பு சோதனைகள் பற்றியும் பலர் தவறான சில எண்ணங்களை வைத்துள்ளனர். காலங்காலமாக இதனை நம்பியும் சில தவறுகளை செய்கின்றனர். அந்த தவறான எண்ணங்களையும், அதன் உண்மையான பயன்பாடு மற்றும் காரணத்தையும் இந்த செய்தித் தொகுப்பில் காணலாம்.

முதலில் தவறான எண்ணத்தையும், அதன் உண்மை அல்லது தீர்வை தொடர்ந்து கொடுத்துள்ளோம். இது நிச்சயம் பயனுள்ளதாக அமையும்.

காற்றின் அழுத்தம்

டயர்களின் பக்கவாட்டில் எழுதப்பட்டிருக்கும் பிஎஸ்ஐ எனப்படும் டயர்களுக்கான காற்றின் அளவையே சிலர் சரியானதாக கருதுகின்றனர். ஆனால், அது சரியானதா? 

சரி எது?

டயர்களின் பக்கவாட்டில் குறிப்பிடப்பட்டிருக்கும் பிஎஸ்ஐ அளவு டயரின் அதிகப்பட்ச காற்றின் அழுத்த்தை தாங்கும் திறனையே குறிக்கிறது. எனவே, உங்களது வாகனத்துககான பரிந்துரைக்கப்பட்ட அளவை தெரிந்து கொள்ள காரின் கதவின் உட்புறத்தில் கொடுக்கப்பட்டிருக்கும் பரிந்துரைக்கப்பட்ட அளவை பின்பற்றி காற்று நிரப்புங்கள்.

வால்வு மூடி

ட்யூபிலிருந்து காற்று வெளியேறுவதை வால்வு மூடி தடுக்கும் என்ற எண்ணம் பரவலாக இருக்கிறது.

சரி எது?

ஆனால், வால்வு மூடி காற்று வெளியேறுவதை தடுக்காது. தூசி, தண்ணீர், சேறு உள்ளிட்டவை வால்வுக்குள் புகாதவாறு தடுப்பதற்காகவே மூடி கொடுக்கப்படுகிறது.

அதிக கிரிப்புக்கு...

சிலர் டயரில் காற்றழுத்தம் குறைவாக இருந்தால் அதிக கிரிப் கிடைக்கும் என்று கருதுகின்றனர்.

சரி எது?

காற்றழுத்தம் குறைவாக இருக்கும்போது டயரில் இருக்கும் பட்டன்கள் தேய்மானம் அதிகரிக்கும். மேலும், பட்டன்களுக்கு இடையிலான இடைவெளி குறையும் என்பதோடு, தண்ணீர் எளிதாக வெளியேறாது என்பதால், அதிகம் வழுக்கும் வாய்ப்பு உள்ளது. மைலேஜும் குறையும்.

கோடை காலத்தில்...

கோடை காலத்தில் டயரில் இருக்கும் காற்று விரிவடையும் என்பதால் சில பிஎஸ்ஐ வரை குறைவாக காற்றழுத்தம் இருக்க வேண்டும் என்று நினைக்கின்றனர்.

சரி எது?

டயரில் காற்றழுத்தம் குறைவாக இருக்கும்போது டயரில் அதிக உராய்வு காரணமாக வெப்பம் அதிகரிக்கும். இதனால், டயரின் சுவர்களில் பாதிப்பு ஏற்படும். கோடை காலங்களிலும் பரிந்துரைக்கப்பட்ட பிஎஸ்ஐ அளவிலேயே காற்று நிரப்புங்கள்.

குளிர்காலத்தில்...

மழை அல்லது குளிர் காலங்களில் பரிந்துரைக்கப்பட்ட அளவைவிட டயர்களில் குறைவான காற்றழுத்தம் இருந்தால், சிறப்பான கையாளுமை கிடைக்கும் என்று கருத்து நிலவுகிறது

சரி எது?

மழை அல்லது குளிர் காலங்களில் பரிந்துரைக்கப்பட்ட அளவைவிட கூடுதலாக காற்றழுத்தம் இருப்பது நல்லது. வெப்ப நிலை 3 முதல் 4 டிகிரி செல்சியஸ் வரை குறையும்போது 2 பிஎஸ்ஐ வரை காற்றழுத்தத்தை கூடுதலாக வைக்க வேண்டும். இல்லையெனில் டயரின் ஆயுட்காலத்தை பாதிக்கும் என்பதோடு, பாதுகாப்பு பிரச்னைகளையும் ஏற்படுத்தலாம்.

டிரெட் அமைப்பு

உலர்வான தரைகளில் சிறப்பான கையாளுமைக்கு டிரெட் அமைப்பு மிக முக்கியமானதாக பலர் கருதுகின்றனர்.

சரி எது?

டிரெட் அமைப்பை வைத்து காரின் கையாளுமையை நிர்ணயிப்பது கடினம். அதன் முக்கிய பயன்பாடு ஈரப்பதம் மிகுந்த சாலைகளில் செல்லும்போது, டிரெட்டுக்கு இடையிலான நீரை வெளியேற்றுவதற்காகவே கொடுக்கப்படுகிறது.

டயர் தரம்

கைகளை வைத்து அழுத்தி பார்த்தே டயர் கடினமான கட்டமைப்பு கொண்டதா அல்லது மென்மையான கட்டமைப்பு கொண்டதாக என்று தெரிந்துகொள்ளலாம் என்பது பலரின் எண்ணம்.

சரி எது?

டயரின் மேற்புறத்தை வைத்து கடிமானதா அல்லது மென்மையானதா என்று கூற முடியாது. ஏனெனில், டயருக்குள் பல்வேறு அடுக்குகள் கொண்டதாக வடிவமைக்கப்படுகிறது.

குளிர்கால டயர்கள்

பனிப்பொழிவு இல்லையெனில், பிரத்யேக அமைப்பு கொண்ட குளிர்கால டயர்கள் தேவையில்லை என்று பலர் கருதுகின்றனர்.

சரி எது?

பனிபடர்ந்த சாலைகள், பனிப்பொழிவு மிகுந்த நேரங்களில் மட்டுமே பயன்படும் என்பது மடமை. வெப்பநிலை 10 டிகிரிக்கும் குறைவாக இருக்கும்போது குளிர்கால டயர்களை பயன்படுத்துவதே நல்லது. அதன் டிரெட் அமைப்பும், விசேஷ ரப்பரும் சிறப்பான ரோடு கிரிப்பை தரும்.

ரேஸ் டயர்

ரேஸ் கார் மற்றும் பைக்குகளில் பயன்படுத்தப்படும் டயர்களில் டிரெட் இல்லாததால் அதிவேகத்தில் செல்ல முடியும் என்ற நினைப்பு இருக்கிறது.

சரி எது?

ஃபார்முலா- 1 மற்றும் மோட்டோஜீபி பந்தயங்களுக்கான கார் மற்றும் பைக்குகளில் டிரெட் இல்லாத டயர்கள் பயன்படுத்தப்படுகின்றன. இவை உலர்ந்த தரையில் சிறப்பான கையாளுமையை கொடுக்கும் என்பதாலேயே பயன்படுத்தப்படுகின்றன.

 பராமரிப்பு

சர்வீஸ் விடும்போது காற்றின் அழுத்தத்தை பார்த்தால் போதுமானது என்று சிலர் நினைக்கின்றனர்.

சரி எது?

உருளும்போது டயர்களில் இருந்து சிறிய அளவிலான காற்று வெளியேறும். எனவே, வாரம் ஒரு முறை டயர்களில் காற்றின் அழுத்தத்தை சரிபார்ப்பது நல்லது.

 நன்றி : தட்ஸ் தமிழ்